Montanha, ma montanha
Montanha, montanha
Montanha que lo veses,
Que fa lo meu amic ?
Es aval dins la plana,
Que sona la perdic.
Montanha que la veses,
O ! que fa la perdic ?
La perdic vòla, vòla,
Vòla vers son amic.
Montanha que los veses,
Que fan los dos amics ?
- Son dins las nivolasses
Amont-naut, a l’abric.
Montanha, ma montanha,
Me voldriái far perdic.
-vòla, vòla , pauròta …
Vesi plus ton amic.
Loïsa Paulin
Publicité