Un còp, èra al campèstre, una cabana ont i aviá una filha que s'apelava Candi aviá dos gats que s'apelelavan Siboleta e Pisto e un gos que s'apelava Chobacà.

Aviá convidat una copina que s'apelava Anny e un copin Luc.

Luc voliá jogar al super eròs o a star-wars. Mas las filhas volián jogar a las princessas mas fin finala jògan al zoo. Candy èra veterinara. Anny èra la que dona a manjat e Luc èra lo qu'anava quèrre d'aiga al castèl d'aiga. Aprèp son anats se colcar.

Lo lendeman de matin se desrevelhèron dins lor tenda. Anèron visitar lo castèl d'aiga, lo molin. Quand tornèron a las tendas, un tropèl de monde estranh èra present. Los 7 farfadets ( gaujós, repotegaire, paurós, trist, gent...) èran acompanhats de la reina de las nèus e de Batman. Tot lo monde èra espaventat perqué los farfadets avián los uèlhs roges, la capa de Batman èra esquissada, e la reina de las nèus aviá un uèlh descosut. Luc sortiguèt un sabre laser e descobriguèt qu'èran d'extra-terrestres e que èran perduts. Lor vaissèl los aviá oblidat. Los 9 alienes e los amics vegèron lo vaissèl tornar. Los amics ajudèron los extra-terrestres. Los aliens ofriguèron als amics una montgolfièra.

I passèron la nuèit seguenta amb lor gos e lors dos cats.

                                                                                                                                 Clémentine CM2

La dòna a tot faire

 La dòna de Gisson èra la monarqua que regnava sus Sarlat e sos alentorns. 

Abitava lo maine de Gisson amb sa dòna a tot faire qu'èra malmenada e prèsa per una rata mòrta. Un bèl jorn d'estiu 1549, quand èran a visitar lors amics a l'ostal fòrt de Reinhac an trobat las baumas e las encavadas preistoricas de Reinhac. Èra la dòna a tot faire que l'aviá trobat, mas a pas agut la paraula perque, ela, val pas res !

La dòna de Gisson venguèt de mai en mai rica amb d'arqueològs e de scientifics que pagan fòrça per venir estudiar lo centre preistoric. La dòna a tot faire n'aviá son confle. Un jorn quand la dòna de Gisson dormissiá la prenguèt e la metèt dins la jaula. La dòna de Gisson dormissiá tant plan que quand se faguèt emprisonar e raubar tot son argent se rendèt compte de res. La dòna a tot faire venguèt dòna de Sarlat.

Mas dempuèi aquel jorn, la dòna de Gisson se planh d'èsser estada tant sevèra e maissanta perque ara neteja las establas.

Jack CM2

                                             Los rics !

Adieu, me soni Binsidi vivi a Bengladech, soi paure e ai passat lo monde per venir ric e vos vòli contar mas aventuras.
Un còp èra èri cercar de peisses trobèri una botelha e ai legit lo messatge.

Lo messatge disiá :

«Se vòls venir ric : bastís un radèu, travèrsa lo mond en passar per Imalaia e arribarà amb nosautres a Paris.»

Aquí me demandèri ont es Paris es aquí que passèt al dessús de mon cap un vaissèl e una carta tombar d'un avion coma se m'ausissiá. Ai demandat al monde mas m'an pas entendut curiosament.

Prenguèri de tròces de fusta e faguèri un radèu. Soi anat fins a Índia en 2 jorns. Dormiguèri 3 oras e anèri a Pakistan en 5 jorns. Aprèp anèri a Oman en 5 oras puèi a Iemèn en 2 oras. Me calguèt pausar pendent 5 jorns. Partiguèri cap a Somalia e recebèri un novèl messatge que me disiá :

« Es plan, as fait un bon viatge mas te cal contunhar !»

Aquí tombèt una trotineta. Me soi ditz que deviái passar Africa. Anèri en Etiopia en 5 jorns. Anèri en 3 jorns en Sodan puèi en 4 en Chad. Passèri Libia en 10 jorns mas foguèri obligat de tornar far un radèu per anar en Itàlia. Quand aval mangèri de pizzàs e de glacets. Èran tan bonas que prenguèri 5 quilòs. Cabussèri fins a Corsega mas foguèri perseguit per de làmias. Of ! Quand arribèri una persona que m'avia vist me donèt un bilhet de batèu per anar a Tolon. Prenguèri lo batèu e quand foguèri dedins tot lo monde me gaitava d'un biais estranh. Gaitèri mos vestits èran cobèrt de salsa tomata. Me voliái crompar de vestits nòus mas aviái pas que de calhaus. Me donèron un vestit net mas un pauc ridicul.

Quand arribèri aviái fait 19 900 quilomètres a pès. Èra fòrça long mas ai capitat d'arribar a Paris dins un castèl ont ganhèri 300 000 000 euròs.
                                                                                                                                                                                                                     

                                                                                                                                                                                                                                                                         Enzo 

Un còp èra i aviá una pichòta filha que s'apelava Norà. Viviá dins un autre monde ont i aviá de mostres. L'un se sonava Mickael e l'autre Flavian. Lo monde èra plen de bonbons. La pichòta filha voliá manjar los bonbons. Lo mostre fasiá paur a la pichòta filha.

Cridèt fòrça fòrça e la pichòta filha plorèt.

                                                                                                                                                                                                                     Clarisse

Tot aquò per res !

L'istòria comença un còp èra dins un camp de flors. Tot se passava plan. Quand :

• Ah Ah Oh Oh !

Un cridal estridant se passèt. Tot lo monde s'acampèt al luòc del cridal !

• Una taca que pòt pas partir. Lo que tirarà aquesta taca aurà 1 000 000 euròs. Ditz una vièlha dòna.

Tot lo monde ensagèt de far partir la taca.

Un pichon arribèt e li diguèt :

• Sus la planeta "TACA" i a una potinga contra las tacas peniblas ! (Bon es pas una pub !!!)

Lo pichon se'n va dins l'espaci. Quand arriba ausís : 3, 2, 1, 0. Aquel pilòte es estrambordant. Quand arriba sus la planeta «TACA» fa mantunas espròvas per ganhar l'antitaca X32 bip bòp.

Dotze ans aprèp arribèt sus Tèrra. Va veire la vièlha e ditz :

• Vaqui l'antitaca X32 bip bòp.

La vièlha respond :

• Quand siás partit, me soi rotlada dins la fanga e la taca a desaparaguda.

Lo pichon vengut òme ven roge e ditz :

• Ah Ah Oh Oh !

Théo